1.1.1 Particular aspects of the B2C e-commerce
1.1.1.1 Characteristics of the e-commerce
1. Respecto das entradas e saídas ao centro do alumnado: O alumnado, use
o servizo de transporte escolar ou non, ten a obriga de entrar no recinto inme-
diatamente ao chegar. Ata o comezo das clases, poderán permanecer no patio,
na cafetería do centro ou no vestíbulo.
Como norma xeral, o alumnado do instituto non poderá saír do recinto do cen-
tro durante o horario lectivo propio de cada ensinanza, incluídos os períodos de
lecer. Co fin de garantir a seguridade dos alumnos menores de idade, é impres-
cindible que:
1. Cando un menor deba saír do instituto, deberá facelo acompañado do
seu pai, da súa nai ou do titor legal. Lémbrase que non se permite que os
menores saian sós en ningún caso.
2. Para recoller ao menor, o adulto deberá presentarse na secretaría, pedirá
que avisen ao alumno e asinará o xustificante da saída. Deste xeito, o
centro quedará informado.
No caso de que un menor se atope indisposto para seguir o desenvolve-
mento normal das clases, o centro informará aos pais ou o titor legal para que o
recollan. Faise notar que recibirán sempre a chamada dun adulto, sen perxuízo
Aprobadas no CONSELLO ESCOLAR do 05/06/2013 Actualizadas no CONSELLO ESCOLAR do 13/05/2015
de que falen directamente co menor se o desexan.
O alumnado da ESO que non faga uso do comedor escolar, poderá saír desde
o fin das clases da mañá ata o comezo das clases da tarde. O recinto pechará
dez minutos despois de sonar o timbre de saída da mañá e abrirá de novo dez
minutos antes do comezo das clases da tarde.
A porta da ala de bacharelato utilizarase só como saída de emerxencia. O uso
indebido desta porta poderá ser obxecto de sanción.
Á saída, de retrasarse o autobús escolar, o alumnado transportado agardará
na parada do centro ou no patio, á vista do profesor/a de garda.
2. Respecto do control de acceso ao instituto: A entrada e permanencia no
interior do instituto de persoas alleas ao mesmo só se permitirá cando a súa
presenza estea xustificada por algunha xestión.
3. Recreos e intercambios de clase. De xeito xeral, non está permitido ir ao
lavabo durante as horas de clase, nin nos intercambios, agás en circunstancias
extraordinarias.
Nos intercambios de clase é obrigatorio manter a orde e un ton educado de
conversa. O alumnado que deba acudir a outra aula axilizará o desprazamento
sen demoras. En todo caso o profesor/a correspondente terá en conta tal
continxencia debendo dar uns minutos para a súa incorporación. O alumnado
que deba continuar na mesma aula, aproveitará o tempo de intercambio para
dispor o material e ocupar o asento que lle corresponda na clase seguinte; pero
non sairá ao corredor, nin permanecerá na entrada da aula.
Durante o tempo de lecer, o alumnado abandonará o primeiro andar, as aulas,
os corredores e as escaleiras. Poderá permanecer no corredor da planta baixa e
no vestíbulo da entrada, acudir á biblioteca ou saír ao patio. Agás cando se or-
ganicen actividades deportivas supervisadas polo profesorado, non poderá per-
manecer no pavillón durante este tempo.
Poderase utilizar a cafetería antes do comezo das clases e nos períodos de
lecer, pero non durante os cambios de clase.
4. Respecto do control de asistencia: O control de asistencia e puntualidade
do alumnado será feito polo profesorado, establecéndose un procedemento dis-
tinto segundo se trate do profesor/a que imparte a materia ou, en ausencia des-
te, do profesor/a de garda:
No caso do profesorado que imparte a materia:
No edificio Ribeiro contará para iso cunha lista semanal, que se lle fará
chegar a través do seu casilleiro da sala de profesores/as e que deberá
entregar ao remate da semana na secretaría.
No edificio Abrente haberá un parte diario de clase disposto na carpeta
de partes de clase colgada na porta da sala de profesores/as que deberá
deixar ó remate da clase no mesmo lugar onde a recolleu.
No caso do profesorado de garda:
No edificio Ribeiro a través das listas da sala de profesores/as (indican-
do o día e a materia) e que entregará logo na secretaría.
No edificio Abrente pasará lista e asinará no parte diario do grupo indi-
cando “garda”.
Aprobadas no CONSELLO ESCOLAR do 05/06/2013 Actualizadas no CONSELLO ESCOLAR do 13/05/2015