Ethical considerations

 L’Arribada abre’l plazu pa presentar candidatures pa los Timón 2016

 L'Asturies de los años 30 vista por unos emigrantes

13 Payares, 2015 por Pablo R. Guardado

La primer xornada de l’actividá de l’Asociación Cultural L’Arribada va celebrase’l sábadu cola proyeición de trés películes n’asturianu. Baxo’l nome de ’10 años de L’Arribada’, esti eventu busca facer analís de la evolución cultural de Xixón y Asturies.

“L'Arribada ye un proyectu de difusión que nuna década d'actividá cuntó con varies decenes de miles d'asistentes a los actos que se programaren, y nos que tienen intervenío cientos de participantes. La Vagamar lliteraria, una de les sos estayes, cumple'l décimu aniversariu esti añu y, pa celebralo, la nuesa asociación cultural entama un eventu nomáu ‘10 años de L’Arribada’ onde facer analís, ente’l 14 de payares y el 26 d’avientu, de la evolución cultural de Xixón y Asturies per aciu d'un abanicu ampliu de propuestes en forma d’alcuentros con lliteratos y creadores artísticos, proyeiciones, tertulies, presentaciones, conferencies, actos institucionales, actuaciones musicales, y otros”, espliquen dende esti coleutivu.

La primer actividá va tener llugar mañana, dividía en dos sesiones con sede nel salón d’actos del Centru Municipal Integráu Atenéu de La Calzada. Pela mañana, al meudía, neños y mayores van poder disfrutar de la película d’animación ‘Los viaxes de Gulliver’. Yá de tarde, a les 18 hores, van proyeutase los filmes ‘El tercer home’ y ‘La nueche de los muertos vivientes’. El doblaxe de les trés cintes foi obra de Gonzali Producciones.

No que resta de payares y avientu van ser munches les propuestes entamaes por L’Arribada nesta Vagamar tan especial. Ente elles destaquen un homenaxe a la obra cinematográfica documental del director asturianu José Antonio Quirós, del que se verán les películes ‘Solas en la Tierra’ y ‘Gran Casal, me como el mundo’, y una xornada dedicada a Miranda de l Douro, territoriu portugués onde ye oficial una variante del asturlleonés, a la qu'asistirá'l so alcalde, Artur Nunes, xunto col escritor Mário Correia, que presentará'l so llibru ‘José Afonso, andarilho nas Astúrias’. Correia va participar tamién nuna tertulia sobre temes mirandeses onde falará de música y etnografía y fadrá compaña a Alfredo Cameirão (Léngua Mirandesa) y Herminio Bernardo (Historia).

Proyección de los documentales "Los que vuelven" y "A bruxa de Brañavara" dientro los 10 años de

L´Arribada

El jueves 19 de payares, a les 19:30 hores, comienza nel Salón Parroquial de Vega (Xixón) la proyección de los documentales Los que vuelven (1930) y A bruxa de Brañavara, nuna actividá programada dientro del eventu 10 años deL'Arribada y que cuenta cola collaboración de l'Asociación de Vecinos San Emiliano de Vega y l'apoyu económicu del Ayuntamientu de Gijón/Xixón.

Los que vuelven; duración 27 minutos

Rodada nel branu de 1930 por un grupu d'emigrantes asturianos en L'Arxentina, esta película resultó ser una pequeña ayalga onde podemos atopar l'ayeri de llugares bien conocíos de los conceyos de Xixón, Noreña y Sieru. Xunto a ello, el testu de los rótulos obra del escritor Pachín de Melás qu'apaez nes imáxenes y una escena, con iniciu nel minutu quince, descubierta como'l testimoniu audiuvisual más vieyu de gochos de la raza asturcelta. Títulu fílmicu mui interesante que vemos restauráu y musicáu sobre una copia que facilitara l'estudiosu de la lliteratura asturiana Xurde Blanco.

Enllaz venceyáu: Clip de "Los que Vuelven" http://www.youtube.com/watch?v=nc3xKgLucMQ

A bruxa de Brañavara; duración 40 minutos

Ye'l primer documental rodáu en fala o gallego-asturianu. Realizáu por Illán Gonzali y conducíu por Alberto Álvarez Peña, esti mediumetraxe de 2010 recuérdanos que n'Asturies había homes y muyeres que teníen el don de ver a los muertos y falar con ellos. Inda queda'l recuerdu de munchos, persones como Consuelo, d'Aldín (Valdés), Xuan Samboldro, de Serín (Xixón), Ramona de Rufabar (Piloña) o Josenón d'Arnao (Castrillón), ente otros.

En Bual nació Amparo López, más conocida como A bruxa de Brañavara. Amparo entraba en trance pa comunicase colos muertos y mediar ente éstos y los vivos. La so fama foi grande, hasta'l puntu de que la revista Triunfo dedicára-y l'artículu Una bruxa auténtica en Brañavara, nel so númberu del 3 de xunu de 1978. D'ella, y de los sos fechos, trata esti documentu. La so figura nun s'escaeció na parte más occidental de la nuesa comunidá autónoma.

Los 10 años de l’Arribada entamen con cine

Esti xueves 19 de payares, a les 19,30 hores, comienza nel Salón Parroquial de Vega (Xixón) la proyección de los documentales Los que vuelven (1930) y A bruxa de Brañavara, nuna actividá programada dientro del eventu 10 años de L’Arribada.

L’entamu de les proyecciones cuenta cola collaboración de l’Asociación de Vecinos San Emiliano de Vega y l’apoyu económicu del Ayuntamientu de Xixón, como asocede con l’eventu col que se quier celebrar l’aniversariu de l’Arribada.

Los que vuelven; duración 27 minutos

Rodada nel branu de 1930 por un grupu d’emigrantes asturianos en L’Arxentina, esta película resultó ser una pequeña ayalga onde podemos atopar l’ayeri de llugares bien conocíos de los conceyos de Xixón, Noreña y Sieru. Xunto a ello, el testu de los rótulos obra del escritor Pachín de Melás qu’apaez nes imáxenes y una escena, con iniciu nel minutu quince, descubierta como’l testimoniu audiuvisual más vieyu de gochos de la raza asturcelta. Títulu fílmicu mui interesante que vemos restauráu y musicáu sobre una copia que facilitara l’estudiosu de la lliteratura asturiana Xurde Blanco.

Enllaz venceyáu: Clip de “Los que Vuelven” http://www.youtube.com/watch?v=nc3xKgLucMQ A bruxa de Brañavara; duración 40 minutos

Ye’l primer documental rodáu en fala o gallego-asturianu. Realizáu por Illán Gonzali y conducíu por Alberto Álvarez Peña, esti

mediumetraxe de 2010 recuérdanos que n’Asturies había homes y muyeres que teníen el don de ver a los muertos y falar con ellos. Inda queda’l recuerdu de munchos, persones como Consuelo, d’Aldín (Valdés), Xuan Samboldro, de Serín (Xixón), Ramona de Rufabar (Piloña) o Josenón d’Arnao (Castrillón), ente otros.

En Bual nació Amparo López, más conocida como A bruxa de Brañavara. Amparo entraba en trance pa comunicase colos muertos y mediar ente éstos y los vivos. La so fama foi grande, hasta’l puntu de que la revista Triunfo dedicára-y l’artículu Una bruxa auténtica en Brañavara, nel so númberu del 3 de xunu de 1978. D’ella, y de los sos fechos, trata esti documentu. La so figura nun s’escaeció na parte