FIFO Buffer

138

Mitoloxía II

Los mitos asturianos faen por desplicar l’otru mundu y esti, la vida y la muerte. Personaxes máxicos amos de la nueche y les malures, que viven nel agua, en monte, ente les solombres, como la guaxa, la llavandera, el pesadiellu o los malinos.

El mundu que nos arrodia ta enllenu de fenómenos, fechos y asocedíos que dalgunes vegaes son difíciles de desplicar. Dende les dómines antigües, los homes xustificaron estos fechos cola mitoloxía, conxuntu de mitos y fábules que valen pa dar respuesta a los misterios de la vida, la muerte, el mieu o les mancadures.

Los seres mitolóxicos son siempre sobrenaturales, tienen poderes máxicos pa facer bien o mal y nun viven nin son como los humanos. D’ente ellos topamos a la guaxa, la espantible vieya que suerbe’l sangre a los neños; los malinos y el pesadiellu que meten la enfermedá nel ganáu y les persones; la llavandera que sal a llavar de nueche la ropa al ríu y afuega a los mozos que nun siguen los vezos y costumes de los antepasaos. Toos ellos tan sollertes, esperando’l momentu más afayadizu p’atacar a los neños, a la muyer o al mozu que- yos pete. Pero, anque son dañibles y dalgunos traen la ruina a les cases y la muerte a les persones, esisten tamién dellos esconxuros, pallabres y oxetos máxicos pa que la xente se protexa d’ellos.

139

Notes culturales

CELTES

Yeren un conxuntu de pueblos de la Edá de Fierro que falaben llingües celtes d´orixe indoeuropéu. Desendolcaron una cultura que fina nel sieglu I e.C., cuando Roma conquista la Galia.

Nun se conserven fontes escrites porque yera una cultura de tresmisión oral que taba en manes de los druides. Lo que sabemos, conocémoslo de fontes indirectes: los escritos de los pueblos que sustituyeron a la cultura celta y que dan una imaxe interesada.

Los pueblos celtes tuvieron el núcleu nel norte de los Alpes, espardiéndose dende la Península Ibérica hasta Alemaña, Polonia, los Cárpatos, norte d’Italia, Irlanda, Gran Bretaña, Irlanda y la zona del Danubiu.

No que cinca a les costumes, vivíen en pequeñes comunidaes rurales que fortificaron col tiempu. La so mayor riqueza y fonte de poder yera´l trabayu del fierro.

La so relixón taba dirixía polos druides, sacerdotes que tamién educaben a la xuventú, los bardos ensin embargu dedicábense al cantu y la poesía y los vates a echar los augüeros. Toos ellos axuntaben alrodiu d’un carbayu o dalgún árbol sagráu.

Teníen cultos a elementos naturales como la viesca, l´agua, les montañes o’l sol. Yeren perabundantes tamién los seres mitolóxicos y máxicos, que diben ser la fonte de los nuestros cuélebres, trasgos o malinos.

La romanización y les invasiones xermániques fixeron desapaecer la mayor parte de los ritos y mitos celtes. Perdiéronse munchos, otros caltuviéronse y caltiénense tres una capa de cristianización.

Actividaes

1- ¿Cuándo fina la “cultura celta”?

2- Nel testu fálase de los druides. ¿Cuál yera’l so llabor? 3- ¿Cómo y de qué mou vivíen los pueblos celtes?

4- ¿Qué territorios ocupaben los celtes? Asitia nesti mapa d’Europa los llugares que cita’l testu.

5- ¿A qué fuercies y elementos de la naturaleza veneraben? 6- ¿Cuála ye la diferencia ente los “bardos” y los “vates”?

7- El celta yera una llingua y una cultura, ente les costumes celtes hai una que pervive anguaño y tien que ver cola música. Nun se noma nel testu, pero ¿sabríes dicir a cuála nos referimos?

140

Comprensión oral - Exercicios

NOME ...

1) La guaxa ye una:

a) Moza perguapa qu´encandila a los ho- mes colos sos cantos

b) Muyer qu´ayuda a los que se pierden pelos montes

c) Muyer qu´alcontró´l tesoru de los moros na Peña Oscura

d) Muyer vieya, engurriada y espantible, que tien namás un diente afiláu como un cuchiellu

6) El pesadiellu:

a) Apaez al atapecer, arrastrando a les sos víctimes al llombu

b) Apaez de nueche, ye invisible y aprieta’l pechu y corazón de les sos víctimes c) Apaez xunto a otros seres mitolóxicos

como’l Nuberu o’l Diañu Burllón

d) Apaez dando glayíos, ente voces y lla- mentos, p’anunciar la muerte

2) A la guaxa présta-y abondo:

a) Ayudar a la xente de los pueblos colos llabores

b) Chupa-yos el sangre a los mozos y ne- ños hasta fartucase

c) Comer carne humano y esmordigañalo ensin parar

d) Afogar a los mozos que s’averen al ríu.

7) El pesadiellu nun muerre enxamás ¿qué fai en- tós?

a) Busca siempres nueves víctimes

b) Caza nes viesques p’amatagar la fame c) Dormir hasta que vuelve a tener fame d) Matar vaques, gochos y pitos

3) L´esconxuru pa la guaxa ye:

a) Frañi-y l´únicu diente que-y queda b) Reza-y una oración a San Antonio c) Clava-y una estaca nel corazón

d) Pone-y lloréu nes puertes y echa-yos sal a les ventanes

8) Los malinos son:

a) Revolvinos como los trasgos b) Los fíos de la Llavandera c) Los nietos de la Guaxa d) Invisibles, como’l pesadiellu

4) El mélicu llevaba sales de fierro pa:

a) Lluchar escontra la guaxa b) Tratar l’anemia pernicioso

c) Echar nes puertes y ventanes del pueblu pa purificalu

d) Lluchar escontra les enfermedaes y dar enerxía a los amalicaos

9) Los malinos ataquen…

a) Al ganáu pa qu’amalique b) A les muyeres vieyes c) A los neños

d) A la xente pa que tenga delles enferme- daes

5) La llavandera tien la costume de:

a) Afogar nel ríu a los mozos que nun si- guen los usos y vezos de los antepasaos b) Dir a bañase al ríu pela nueche cuando

hai lluna enllena

c) Llavar les sos ropones negres nel ríu y afogar con elles a los mozos que s’averen a ella

d) Riíse al altu la lleva cuando les ropes que llaven nel ríu tán mui puerques

10) Según el mélicu, el neñu nun tien a los malinos nel cuerpu, sinón:

a) Bacteries

b) Un virus desconocíu c) Microorganismos benignos d) Fiebre

141

Actividaes:

1) Fai un resume de lo qu’escuchasti.

2) ¿Cómo maxines que yera la neña que va camín de La Llomba col mélicu enantes y depués de la so tresformación? Dalgunes idees sentísteles nel programa.

3) Xustifica d’acordies colo oyío, polo menos en cinco llinies:

a) ¿Por qué s’enfadó la muyer colos dos homes que la toparon llavando nel ríu? b) ¿Qué fai’l güelu pa saca-y el pesadiellu al nietu del cuerpu?

c) Los malinos nun yeren los causantes de la enfermedá del neñu ¿Quién lu taba amalicando? ¿Tenía remediu la malura, cuál yera? ¿Cómo taba’l cuartu del enfermu? Resumi lo que pasó nél.

142