Los elementos espresivos van tar en función de los oxetivos y respuestes que tienen que dar construcciones tales. Llama l’atención cómo se faen visibles estos edificios nel paisaxe, y hasta qué puntu diose importancia a la localización. Recúrrese a potenciar determinaes localizaciones col envís d’enfatizar la presencia d’un edificiu.
La construcción d’una casa sobre un picu permite l’usu de la perspectiva, el so recorte so- bre’l paisaxe y la monumentalización de lo que se contempla dende abaxo. Lo mesmo pue llo- grase per aciu d’un xuegu onde intervién un basamentu, delles superficies aterrazaes o unes escaleres, arriquecíes con curves, balaustraes o biforcaciones. Un sitiu «pintorescu», no cimero del pueblu, un frente marítimu como en Ribese- lla, nes carreteres que daquella tán ampliándose y lleven a la estación del ferrocarril, o nos ensan- ches cuando tán nuna villa o na ciudá. En tolos casos el solar siempre ta seleccionáu de manera oportuna. Acordies col allugamientu va propor- cionar a estes cases miradores, atalayes, o torres bien asitiaes pa contemplar panorámiques.
Pa satisfacer esta esmolición escenográfica, mírase a les enseñances de l’arquitectura «pin- toresca» y al so establecimientu nel paisaxe. Te- nemos bonos exemplos d’esta elección en cons- trucciones que se dibuxen nel horizonte y son visibles a dellos kilómetros de distancia: como en La Torre de Porrúa (Llanes), El Palacio de Cimiano en Panes, el conxuntu de Somáu, les construcciones d’El Vil.lar en L.luarca, ente más otros.
La elección del solar refuérzase depués per aciu de la segregación. Hai una intención de deseparar l’edificiu de la cai, de cuenta que se refuerce tou un ámbitu con señales de la propie- dá, qu’al empar ye vedáu al restu de los habitan- tes. Pa ello arródiase la casa d’un xardín cercáu,
con rexa o con muria. Nel norte d’España nun abonden les ciudaes xardín d’otres llatitúes, pero na villa indiana, sía suburbana o rural hai mun- ches evocaciones d’esta solución. El modelu de la casa-quinta aprópiase de los usos residenciales permanentes, lo qu’antes yeren namás cases de branéu. Da pasu a barrios consolidaos de moda, barrios ricos, hixénicos, onde la vivienda allóña- se de los centros de trabayu y de l’actividá in- dustrial.
El xardín ye un elementu consustancial a estes construcciones y anque ye heriede de les estensiones pa recréu que teníen los palacios y casones antigües, concíbese agora de manera distinta. Valórase polos indianos un diseñu mo- dernizáu, copiando los xardinos madrilanos casu del de Gaviria, el del marqués de Salamanca, el del palaciu de Linares, o’l del duque de Veragua y dacuando contrataron a los mesmos maestros xardineros. Acordies cola so estensión, el xardín indianu pue ser dende un simple telón de fon- du o marcu escénicu pa la casa, hasta un terrenu amplio con parterres y viesca. Anque nun hai un trazáu homoxeneu, predomina un tipu xardín más cercanu a los modelos franceses y inclusive a los ingleses de calter «pintorescu». Ye notable la variedá botánica cola que s’adorna basándose en plantes y árboles exóticos. Pónense de moda pal- meres, magnolies, camelies, buganvilies y ciertes coníferes de gran tamañu.
Nes cercaníes de la casa l’espaciu axardi- náu pue diversificase introduciendo elementos de paséu y estancia, qu’amplíen los interiores: cenadores, paseos, estanques, terraces, pérgoles, rosaledes, cueves, y otros de valor más artísticu, basáu en fontes, estatues y escalinates, too de- pende de la importancia de la propiedá y la es- tensión de terrenu.
La construcción2 respuende a un esquema de distribución que s’alcuentra de manera idén- tica nes cases indianes o nes viviendes de l’alta burguesía, e igual en Galicia qu’en Cantabria o’l País Vascu. La primer característica refierse a un pisu de superficie amplia, que polo xeneral per- pasa los 300 m2, y con un alzáu de dos o trés altures, polo que nun ye raro alcontrar dalgunos edificios que s’acerquen o perpasen los 1.000 m2. Esta gran superficie cubría les necesidaes non sólo de la familia, sinón tamién d’un gran núm-
2 Alonso Pereira, J. R. «La arquitectura indiana»,
en Aa.Vv., Casas de indianos, Xunta de Galicia, 2000, pp. 35-36, y Álvarez Quintana, C., indianos y arquitectura en
Asturias 1870-1930, COAATA, 1991.
beru de sirvidores y proporcionaba espacios am- plios pa la realización de rellaciones sociales.
Nos exemplos más completos les funciones compartiméntense en cuatro pisos. El suétanu o semisuétanu, que s’alluga nun zócalu abiertu con vanos pequeños y qu’establez al esterior una es- pecie de basamentu de la casa. Nél alcuéntrense les dependencies d’intendencia doméstica: coci- nes, cuartos pa plancha, llavanderíes, despenses, almacenes y calefacción. A manera de nota anec- dótica en la Quinta Guadalupe de Colombres esistía inclusive «el cuarto de las madreñas».
La planta baxa ye la noble, destinada a les funciones de rellación social, tien más menos complexidá y diversidá de cuartos. Por poner un casu, pue alcontrase una compartimentación en sales pa usu esclusivu d’homes (sala de billar, bi- blioteca), en xunto con otros comunes salones de baille o de música, salines y gran comedor. Nesti pisu los cuartos son amplios y acumulen la mayoría de decoración interior mural, a base d’estucos o pintura decorativa y puen tener amás pintures al oleu en llenzos pegaos a los techos. El comedor y el salón principal tienen una gran importancia poles dimensiones, son los cuartos escenográficos de la vivienda y a ellos corres- puende garantizar el llucimientu de toles fiestes y aconceyamientos.
Na planta baxa ábrese la puerta principal, protexida por un porche, dende la que se llega a un hall ampliu del qu’arranca la escalera prin-
cipal. Esiste más d’una escalera, hai una escalera noble –polo xeneral de madera o con un primer tramu de piedra o azulexu–, qu’enllaza los dos pisos principales, amplia, iluminada y qu’ocupa una posición central nel planu, y otres de ser- viciu, estreches y puramente funcionales pa usu de los emplegaos domésticos, que comunica la planta baxa col suétanu, sobre manera la coci- na col comedor y la planta alta cola guardilla o desván. Nel primer tramu de les escaleres suelen abrise grandes güecos con vidrieres o a lo menos una iluminación específica.
De la mesma manera que nes arquitectu- res coloniales los patios son elementos impres- cindibles, na arquitectura d’indianos escasia. La Quinta Guadalupe ye ún de los pocos casos d’un gran patiu central con galeríes abiertes de ma- dera nos pisos altos, que proporcionen una rele- vancia especial al edificiu pol exotismu.
El primer pisu acueye les dependencies de la vida familiar y ye de calter intimista, anque non por ello menos ellaboráu. L’accesu a los cuartos y gabinetes privaos restrínxense al matrimoniu, fíos y convidaos, y allixérase la decoración y in- teriorismu. Cuando esiste un segundu pisu, allú- guense nél distintes funciones complementaries, y polo xeneral son los cuartos de costura, desva- nes, almacenaxe, y cuartos del serviciu. Esta dis- tribución de les funciones espéyase nel diseñu es- terior. Nel baxu, cola presencia d’un zócalu, bien de cantería caliar, bien de piedra artificial, con ventanes reducíes. Los dos pisos principales des- taquen pola mayor altura y a elles correspuende’l pesu de la composición de los paños esteriores. Nesta parte central refuércense los elementos de diseñu y les cites estilístiques, como cornises, pilastres, mayor tamañu y orniamentación de vanos. Y dase relevancia a la fachada principal y puerta d’entrada.
Hai otra mena d’equipamientu que sí suel tener la villa indiana n’América, por casu nel Ca- ribe, onde por influencia de los Estaos Xuníos apaecíen nel primer terciu del sieglu xx bar, pis- cina, pista de tenis, sala de pimpón y el billar. De sala de billar o sala de xuegu en xeneral sí alcon- tramos exemplos: na Villa Tarsila de L.luarca, había una gran sala de billar y un salonín con decoración exótica, que tan de moda taben nel París del 1880.
Amás valórase l’envueltu o ropaxe decora- tivo como espresión de calidá y refinamientu. L’indianu tiende a identificar lo caro y suntuoso colo bono, y coles mesmes búscase la contribu-
ción d’artes aplicaes y artesaníes. L’arquitectu, cola fin de cumplir estes condiciones, esixe un re- mate mui cuidáu, intervienen bonos artesanos na talla de la piedra, la carpintería, los ornamentos cerámicos, nos estucaos, escayolistes, pintores de- corativos, xardineros. El capítulu de la cantería y carpintería son los fundamentales, la decoración interior con madera ponse de moda pa zócalos y boisseries, nos meyores exemplos recupérense artesonaos –anque tamién s’imita con escayo- les–. Too ello ponse de manifiestu nes memories de calidaes. Por embargu hai exemplos nos que s’apuesta más pola apaecencia que pola calidá, falsiando materiales, superficies y testures.
La construcción emprima a valorase den- de fuera, nuna visión de conxuntu y l’accesu tien una gran importancia al funcionar como la imaxe inmediata de la casa. En programes com- plexos analízase l’accesu de peatones y el de vehí- culos. La manera de valorizala ye diversa:
• Xenerando perspectives visuales que per- cuerren un tramu de xardín, arrodiada con árbo- les llaterales xuniendo l’accesu cola casa en llinia recta. L’árbol más usáu ye’l pláganu de sombra, pero hai casos espectaculares d’aveníes de palme- res, casu de la casa de Las Palmeras de Colom- bres.
• Estableciendo la circulación d’entrada al traviés de la estructura torre-porche.
• Dende una posición axial respecto del vo- lume de la casa, davezu como chaflán y puntu d’unión de dos ales o cuerpos d’edificación. Ye un recursu mui usáu na arquitectura montañesa.
• Complétase cola inclusión d’elementos de mobiliariu urbano qu’enfaticen la entrada: esca- linates, escultures, pareyes de lleones (casu de la Casa de los Leones en Llanes), xarrones, estatues sobre pedestales, bancos o xardineres. Son efi- caces les escaleres dobles qu’acaben en terraces sobre les que s’asitia la puerta d’entrada, porque xuben el planu d’entrada.
Amás de la torre, la galería acristalada y el mirador son elementos cuasique indispensables nestes villes. Masque’l so orixe nes ciudaes yera secundariu y propiu de les fachaes posteriores como estensión de la cocina, agora cambia la po- sición, pasando a ser una dependencia que conti- núa la zona d’estar o dalgún de los cuartos prin- cipales. N’Asturies la galería y el mirador como estructures axuntaes caltiénense al marxe de los planteamientos socesivos de les arquitectures fi- niseculares y del primer terciu del sieglu xx. Na ciudá, los miradores colgaos van facese cada vez
con más vuelu y suelen colocase en batería. Les galeríes puen llegar a ocupar tol desarrollu hori- zontal y en vertical unu o dellos pisos, hasta llegar a envolver prácticamente una o más fachaes. El material portante, amás de la tradicional madera (preferío nos exemplos rexonalistes), foi’l fierro, cementu, y inclusive lladriyu. Diose’l casu d’una estructura inicial de fierro xeneralizada alredor del 1880 y el 1890, qu’al final de dos décades tuvo que sustituyise por madera o cementu, por mor del esterioru y oxidación del metal.
Hubo dalgunos casos de desarrollu estraor- dinariu de la galería. Nel Palacio de Mendoza Cortina en Pendueles, antigua propiedá d’esta familia procedente de México, y valtáu na actua- lidá, colocáronse como añedíu o envolvente a un palaciu rural ampliáu que foi oxetu d’una gran reforma al final del xix. Nesti casu la estructura ferro-vítrea recubría enteramente los trés cuer- pos del edificiu na so fachada principal. Na Casa
de Gabino Álvarez en Somáu, alcuéntrase una
galería circundante qu’arrodia sobre columnes de fierro l’esterior del edificiu.
La torre, con tola memoria histórica qu’a- pa reya esti elementu que significó defensa na arquitectura militar y poder na palaciega, yera
una manera efectista y vistosa d’elevación penci- ma de la media, acordies col afán de notoriedá. Na casa del indianu ye una de les formes más habituales d’acentuar la presencia física y visual, y el poder que lu acompaña radica na altura. Como nel contestu rural nun tenía sentíu nen- gún una construcción de munchos pisos, la to- rre supunxo un descubrimientu, usáu arrogante polos proyectistes. Si ta na ciudá, sobresal de la llinia de cornises y teyaos, si s’alcuentra nel edi- ficiu aislláu ye ún de los datos más revalorizaos de la vista «pintoresca», la torre na casa privada incorporaba una funcionalidá prestosa y estéti- ca, la contemplación del paisaxe. Allixérase con vanos, incorpora ventanes acristalaes, y ye base pa contempladores privilexaos. Hai casos llama- tivos: l’industrial tabaqueru cubanu Manuel Ro- dríguez, mercó una antigua propiedá, La Torre de Valdepares, que remocicó nel sen rexonalista con una particular portalada montañesa, y ames- tó una torre alta de nueva planta fecha con ma- teriales modernos nel 1920.
Cuando’l proyectu se debe a arquitectos re- conocíos, estos tresfieren al edificiu datos d’una cultura arquitectónica ellaborada. Nel Oriente d’Asturies trabayen los meyores arquitectos de
Purón, Llanes. Exemplu de casa indiana de factura más modesta (Foto de M.ª Cruz Morales Saro).
Cantabria, que protagonicen el movimientu rexonalista conocíu como Estilo Montañés.
La obra de Mariano Deogracias Lastra n’As- turies ta siempre venceyada a clientes america- nos. N’El Collado (Panes), mercáu pal branéu pol notable emigrante Ángel Cuesta, que vivía nos Estaos Xuníos, surdía d’un conxuntu barro- cu esistente, con palaciu, capiya y corralada. Más que reforma foi una nueva obra, onde introduxo bien d’elementos de nueva construcción, y «mo- dernizólu», con un repertoriu de cites típiques de l’arquitectura montañesa. Amás añedió-y un mirador colgáu na fachada llateral llibre y una torre proporcionada de planta cuadrada, que, ye evidente, nun tenía la construcción orixinal. Na casa de pisos pa Cosme San Román na aveni- da de La Paz en Llanes, de primeros de los años 20, acentúa y acumula tolos recursos estilísticos. Destaca la llinia de cubiertes a tramos por unos cuerpos altos y con aleros grandes en recuerdu de les torres. Nun falten a pesar de dir destináu al contestu urbanu, solanes de madera, que mez- cla con recursos historicistes como antepechos abalaustraos, güecos guarníos con moldures, y balcones de púlpitu.
De los que trabayaben en Cantabria y re- ciben encargos a esta parte del Deva, contabi- lizamos amás proyectos de Casimiro Pérez de la Riva y Valentín Lavín. El so marcu d’acción circunscríbese a los conceyos que llenden con Cantabria y la so obra estiéndese polos ayunta- mientos de Panes, Alles, Ribedeva y Llanes.
Los arquitectos que trabayen n’Asturies pa una clientela indiana son sobre manera los clá- sicos de la nuestra historia arquitectónica de los sieglos xix y xx. Miguel García de la Guardia, Ja- vier Aguirre, Nicolás García Rivero, Julio Galán Carvajal, Manuel del Busto, Miguel García de la Cruz, Mariano Marín Magallón, Tomás Acha, Enrique Rodríguez Bustelo, Fernando Casarie- go. Xunta a José Miguel García Lomas y Luis Menéndez Pidal, que vivíen en Madrid pero cal- teníen una vinculación fuerte con Asturies.
Nes dos décades últimes del sieglu xix, l’arquitectu municipal d’Uviéu Juan Miguel de la Guardia recibió encargos a esgaya d’emigrantes que fixo pela xeografía asturiana. Nellos marcó les bases del proyectu y la distribución que de- pués diba caltenese colos úniques variaciones de la mayor o menor superficie y volumetría. De la Guardia aplica un eclecticismu conteníu, que combina con dalgún detalle modernu, casu de miradores, rexería, columnes de fierro nel porche
d’entrada, etc. Exemplos del so llabor alcontrá- moslos en Villa Tarsila en L.luarca, fecha ente’l 1893 y el 1894 como casa de branéu pa D. Ramón Rodríguez, oriundu de Barcia; en Villa Carmen, Villa Barrera, n’El Vil.lar, L.luarca. En Grau El Capitolio; y en Castropol El Casino y Parque de Loriente, pagáu por emigrantes; la so obra repár- tese per Uviéu, Avilés, Villalegre, Somáu, Pravia, Cangues d’Onís, etc.
La obra de Julio Galán n’Asturies entama nel 1910 y depués d’una temporada productiva n’A Coruña, fai bien de xalés indianos casu de Villa Rosita n’Otur nel 1915 p’Ángel García. Ye una casa de dimensiones considerables con plan- ta en H y trés altures, dos pisos y un baxo cubier- ta, con gran superficie construyida y diversifica- ción de funciones. Como elementos destacables, na construcción y composición de fachaes, usa l’alternancia ente paramentos llisos y sillares de resalte tanto nes esquines como nos enmarques de vanos. Compónse d’un cuerpu central un aquello retrayíu y dos cuerpos llaterales perpendi- culares al mesmu, tratamientu diversu n’altures y cubiertes. Arcos rebaxaos, teyadinos, pináculos, mansardes de diseñu diversu, dan un resultáu mui llibre y imaxinativu y tamién d’eclecticismu fondu tocántenes modelos y fontes.
Villa Rosario, n’El Vil.lar, L.luarca 1915- 1919, propiedá de Ramón García, hermanu del anterior, foi residencia de branu que la familia usó de manera regular na primer metá del sieglu xx. Tratóse d’una reforma importante sobre una casa anterior mercada a otru indianu pero que yera yá abondo simple y austera. Con esta refor- ma buscábase la modernización de los servicios y dependencies y sobre manera un aguapamientu y actualización de la fachada. La reforma incluyó de la mesma’l pieslle y rexa qu’arrodia’l xardín, un exemplu bien guapu de los xardinos venceyaos a l’arquitectura indiana. Ramón García encargó d’otra banda a Julio Galán el panteón familiar nel cementeriu de L.luarca, fechu yá na década viniente, qu’enllaza cola estilización xeométrica del Art-Deco.
Villa María en La Granda, Salas, ye un pa- lacete espectacular metanes d’un paisaxe rural, que s’asitia sobre un sitiu altu, al que da acce- su per aciu d’escalinates y aterrazaos, colo que llogra un efectu escenográficu. L’amplia man- sión –que na actualidá ye residencia de persones vieyes– cumple perfecho una de les funciones d’estos encargos, ser un focu d’atención y simbo- lizar un potencial económicu y social, al empar
qu’introducir fórmules cosmopolites y moder- nidá nos equipamientos, frente a les aldees cer- canes que tovía güei caltienen un gran tipismu dientro de l’arquitectura popular.
Otros exemplos apaecen espardíos pelos llugares de Salinas, el xalé de doña C. Pumarie- ga Brañes, y la llamada Villa Adelina en La Pola (L.lena), una de les últimes, datada ente’l 1934 y el 1936.
Ún de los edificios más característicos de Julio Galán ye’l Pabellón de don Tulio nel Hos- pital Asilo de Caridad de Valdés, El Vil.lar de L.luarca, 1924. Dende finales del sieglu xix esis- tía en L.luarca un establecimientu cola función doble d’hospital y asilu, que no formal caltién della semeyanza col desapaecíu de Llanes, obra de Javier Aguirre y fundáu pol indianu Faustino Sobrino. Fuera oxetu d’una fundación americana colos legaos ente más otros de les families Ancio- la, Asenjo y Suárez Coronas. Esta infraestructura complementóse con dellos anexos; el qu’interesa nesti momentu ye’l llamáu Pabellón de don Tu- lio, que los padres del mozu Tulio García Fer- nández, muertu prematuramente, deciden facer na so alcordanza y destinalu a enfermos de tu- berculosis.
Lo avanzao de la data de construcción per- cíbese na llimpieza notable y na regularidá de los paramentos, mesmo que la busca d’una solución funcional basada en lluz, ventilación y otros as- pectos hixénicos recomendaos daquella. Nun es- caezamos que na so calidá de diputáu provincial y vocal na xunta de Construcciones Civiles de la Diputación Provincial, Julio Galán fuera comi- sionáu en xunto con otros técnicos, pa desarro- llar estudios enfocaos a la creación del hospital- manicomiu d’Uviéu nel 1924.
El pabellón desarróllase de manera llonxi- tudinal, nuna planta principal, complementada por semisuétanu y una de desvanes. Nes dos in- feriores predominen los grandes güecos acrista- laos qu’ocupen la mayor parte del paramentu. La entrada principal, centralizada y alzada por una escalera n’abanicu y una terraza abalaustra-