La minería n’Asturies
La minería ye una fonte de bayura bien importante pa un pueblu. Na dómina de los ástures, estos yeren nomaos por ser avezaos mineros. Daquella’l mineral más importante que se sacaba de les coraes de la nues- tra tierra yera l’oru, pero durante’l sieglu pasáu y entá anguaño tien munchísima importancia otru mineral. Entrúga-y al to profesor de Sociales por esti mineral y fai un trabayu qu’espeye la historia de les esplotacio- nes mineres y los cambios sociales, que la minería traxo a Asturies nel sieglu XX.
Los asturcones
Los asturcones tuvieron a piques de desapaecer. Esto repítese con bien d’especies doméstiques asturianes como la pita pinta, el gochu celta o la oveya xalda. Dientro del grupu d’animales xabaces, delles especies como’l llobu o l’osu, arriendes de la presión del ser humanu tamién tuvieron nun tris de desaniciase, anque anguaño van remontando. Otres, como’l llobu cerval, el frangüesu o’l mazaricu nun tuvieron tanta suerte y yá nun tán ente nós. El caltenimientu de toles especies que viven nun ecosistema determináu nun ye namás un reclamu turísticu o daqué prestoso de ver pel monte, sinón que ye fundamental pa la biodiversidá y l’equilibriu ecolóxicu.
Actividaes:
1. Noma tres animales domésticos de la nuestra fauna que tuvieren a piques de desapaecer. Busca información alredor de les característiques que les estremen de les demás de la so especie.
2. Dinos otres tres especies que yá nun se puen ver anguaño n’Asturies.
3. En testu fálase de “equilibriu ecolóxicu” y de “biodiversidá”. Busca’l significáu d’estos dos términos y desplícalos al restu la clase coles tos pallabres.
4. L’osu y el llobu son dos predadores polo que delles veces la so conservación enfréntase colos intere- ses de ganaderos y d’otros colectivos como’l de los cazadores. ¿Cuál pue ser la causa?
5. Alderique: facéi dos grupos en clase; ún va defender la postura de los ganaderos y cazadores y otru va tar pola defensa d’estos animales.
119 Llei’l fragmentu del guión radiofónicu de los ástures que vien darréu:
muYEr áSTur: Venga arrímate a estos carbayos y paña bellotes.
NEñu áSTur: Pero ma...
muYEr áSTur: Venga y n’apañándoles toes, vas ayudame a machucales y faceles farina.
NEñu áSTur: Yo quiero cazar.
muYEr áSTur: Cazar sí, pero bien que te presta’l pan de bellota y les llambionaes que faigo cola farina.
NEñu áSTur: Bah.
NArrADOr: Les muyeres yeren les que semaben, recoyíen y segaben la collecha, usaben foces y espa- des curves. Los alimentos yá entamaben a guardase n’horros, pa llibrar a les colleches de la humedanza y de los ratos.
Agora fai por contestar a estes entrugues:
a)¿Cuál te paez que yera’l papel de la muyer na época de los ástures? b)¿Paezte que cambió daqué col pasu del tiempu?
c)¿Como calificaríes la situación de la muyer nesta época comparándola cola d’anguaño?
d) ¿Crees que les muyeres tán en condiciones d’igualdá colos homes na nuestra sociedá? Razona la respuesta y depués alderica col restu la clase alredor d’esti tema
La pena de muerte
NArrADOr: Nel añu 24 enantes de Cristu, los ástures vuelven llevantase, escontra la crueldá de Ca- risio, asalten les guarniciones romanes y asesinen a los soldaos. La venganza de Roma ye terrible, Augus- to, sabedor de la fiereza de los ástures, unvía al so meyor xeneral: Agripa,
qu’arrasa la rexón cantábrica con una crueldá nunca enxamás visto.
AGrIPA: Al llevantase escontra de mio, tán llevantándose escontra Roma. Córta-yos la mano drecha a tolos mozos de les tribus rebeldes, tarázalos y cru- cifícalos. Naide va volver garrar nunca enxamás una espada escontra Roma.
CENTurIÓN: Pero, mio señor Agripa... Asina quién va quedar pa recoyer el granu.
AGrIPA: El granu que lu recueyan el cuervu y la utre.
Como se narra nesti fragmentu del guión, los ástures rebeldes son condenaos a morrer crucificaos. An- guaño n’España, la pena de muerte nun s’aplica en nengún casu, pero hai dellos países qu’entá caltienen esti castigu.
¿Sedríes a nomar a lo menos tres d’ellos?
Acordies con dellos estudios, los países nos que funciona esti tipu de castigu nun son p’ameyorar los índices de delincuencia. Amás d’esto, inclusu n’estaos onde los acusaos tienen toles garantíes xudiciales, prodúcense erros que lleven a condenar a xente que ye inocente.
123
¿Qué ser asturianu ye causante de la truena y les tormentes?
Según les lleendes, ¿había homes llobu n’Asturies? ¿Qué facíen?
¿Tresformábense por mor de la lluna enllena o por otres causes?
Los pataricos, ¿sabes qué son? ¿Y los busgosos?
124
Mitoloxía I
Nesta unidá vamos conocer dalgunos de los personaxes más importantes de la mitoloxía asturiana, seres fantásticos que viven nes fontes, nos ríos o ente les foles del mar
La mitoloxía asturiana ye bayurosa en lleendes y seres máxicos que dominen les viesques y los montes. Podemos atopalos nos caminos, nes cases o nes nubes, pero la mayoría avecen a vivir a la vera d’un ríu o fonte, nun podía ser d’otra miente n’Asturies, la tierra del orbayu infinito.
Los mitos asturianos faen por desplicar los grandes enigmes de la vida, sobre too los que cinquen a la nacencia y la muerte. Asina’l cuélebre, que guarda les ayalgues; los trasgos, que tracamundien nes cases; el nuberu, que trai la truena y los rellampos; l’home marín, qu’estroza les redes de los pescadores; l’home llobu, qu’espanta y ataca al ganáu; la serena y los espumeros, qu’esnalen pente les foles de la mar; el busgosu, que fai que se pierdan los cazadores o los pataricos, xigantes con un güeyu na tenyera que comen a los ma- rinos que naufraguen nes sos costes... Son toos ellos mitos onde s’espeyen el sen y l’alma de los asturianos.
125
Notes culturales
mITu Y LLEENDA
La mitoloxía entemez dos xéneros narrativos, el mitu y la lleenda. Anque tengan munchos puntos en común (ambientación maraviosa, personaxes fantásticos, etc.), hai munches diferencies entrambos.
Una gran parte de la mitoloxía asturiana ta formada por lleendes qu’esplicaríen l’orixe del universu, la xuntanza ente los dioses y los héroes, etc., son lleendes de tradición oral con varies versiones según el llugar y, munches vegaes, rellacionaes con un sitiu en concretu. L´esquema que vien darréu valnos p´aclariar la diferencia entrambos subxéneros narrativos. Los mitos taríen rellacionaos colos dioses celtes; les lleendes, con seres máxicos que viven en llugares comunes: agua, viesca y casa.
Nel diccionariu de l´Academia de la Llingua (DALLA), defínese’l mitu como: «1. Narración fantástica. 2 Rellatu o cosa [que se cuenta de manera desaxerada]. 3 Creyencia [afitada na sociedá, con funciones diverses, pero que nun correspuende colos fechos reales]»” y la lleenda como «1.Narración [tradicional y oral que cuenta fechos históricos meciéndolos con otros ficticios o fantásticos]. 2 Cuentu, cosa [que se cuenta y que ye poco creyible]». Poro, entendemos por mitoloxía tolo fantástico qu´intenta esplicar lo qu´arrodia al ser humanu.
Criteriu mitu Lleenda
Tema L´orixe del universu y la rellación ente los dioses. La esplicación d´un nome, d´un fenómenu llocal o d´un comportamientu.
Autoría D´autor desconocíu (anónima) – emplegáu con procuru (culta). Anónima – colectiva.
Espaciu Irreal. Munches vegaes, real.
Tiempu Estratemporal. Fuera del tiempu como lu conocemos. Va cuantayá y munches vegaes d´orixe históricu. Aición Máxica de naturaleza cíclica. Axunten lo real colo imaxinario.
Personaxes Dioses y semidioses. Puen ser reales o imaxinarios. A vegaes, históricos.
Tresmisión Escritu. Oral y depués pónense per escritu.
¿Conoces dalguna lleenda familiar o dalguna lleenda que pasare nel to pueblu o ciudá? ¿Por qué munchos autores falen del mitu de Cuadonga?
126
Comprensión oral - Exercicios
NOME ...
1) Pa matar al cuélebre de Santu Domingu n’uviéu:
a) Contrataron a un caballeru andante b) Rezaron oraciones na nueche de San
Xuan
c) Diéron-y una llanzada en pescuezu d) Enllenaron pan con alfileres
6) Cuando los pataricos prenden fogueres:
a) Asen pexes y cabritos nelles
b) Allumen les playes pa que los barcos nun naufraguen
c) Atraen a los barcos pa que topeten coles roques
d) Baillen la nueche entera dando glayíos
2) Cuando muerre un cuélebre:
a) Les vaques dan más lleche
b) Puen garrase los tesoros y ayalgues c) Sequen toles fontes del pueblu
d) Nun medren los tréboles nos praos de la redolada
7) L´espumeru pa facese sentir:
a) Da glayíos al altu la lleva b) Atronica una bígara
c) Toca una xiblata fecha d’algues d) Escorre les foles y canta
3) Na nueche de San xuan:
a) Sal la flor del agua, el trébole b) Ye la más llarga del añu c) Tola xente se mazcarita
d) Namórense toles persones que tán soles
8) un home camuda en llobu cuando:
a) Come carne crudo na nueche de San Xuan b) Lu muerde un llobu en lluna nueva c) Lu maldiz so padre
d) Come carne crudo hasta fartar
4) Les xanes:
a) Viven siempre onde nun hai agua b) Guíen a los pastores que se pierden na viesca
c) Protexen el ganáu de la casería d) Filen con fusos d´oru y guarden tesoros
9) El besu d’un busgosu:
a) Frañe los encantexamientos b) Tresmite la tisis
c) Resucita a los muertos
d) Ye máxicu y camuda l’agua n’oru
5) Les serenes asturianes:
a) Allorien a los marinos pa que se tiren nel agua y s’afueguen
b) Son mitá muyer, mitá curuxa c) Nun puen tener fíos colos homes d) Son mitá muyer, mitá pexe
10) El trasgu, cuando nun ta a gustu:
a) Ayuda nes xeres de casa b) Encuriosa tola cacía c) Cuerre pela casa al débalu
127